U3F1ZWV6ZTMwNTk5NTEyMzgwX0FjdGl2YXRpb24zNDY2NTAyNTc3NzY=
recent
أخبار ساخنة

سرطان المعده وكابوس الحرمان

سرطان المعده وكابوس الحرمان:-

                   

سرطان المعده وكابوس الحرمان


سرطان المعده وكابوس الحرمان 
ربنا -سبحانه وتعالي- انعم علينا بنعم كتير جدا  ؛ وسخر كل شئ فالكون لخدمتنا ؛ وبنشوف عجائب قدرته ف الاختلاف التام النابع من التشابه الكامل زي الفواكهه مثلاا برغم اختلاف الوانها وانواعها  واشكالها الا انها تسقي بماء واحد  وفطرنا ع حب الاكل والرغبه الشديده فالاستمتاع بيه وجعله من ضمن الحجات اللي بتسعدنا وبتدينا الطاقه عشان نكمل حياتنا
وهي الدنيا ايه غير اكل حلو وشوية حجات فوق بعض🔥🤷‍♀
الاكل دا الوقد اللي بقدر اتحرك بيه من غيره يبقي خلاص مفيش طاقه ولا حركه وبالتالي مفيش حياه اصلا؛  افهم من كلامك اني كل ما اتحرك لازم اكل ؟! كدا مش هخرج من المطبخ🤦‍♀ مش بالظبط كدا  لان ف نعمه كبيره ف حياتنا  بتساعدنا جدا ف حوار الوقود والاكل دا  وهي المعده
المعده دي عباره عن كيس مطاطي متحاوط من جواه بغشاء مخاطي وبتفرز مواد حمضيه بتساعدنا ف هضم الاكل والتخلص من اي ميكروبات
وهي الخزان الرئيسي للاكل ف جسمنا ؛ عشان كدا حضرتك مش مضطر تقعد فالمطبخ طول النهار وصلت!! 🔝
 بس رغم اهميتها العظيمه الا انها بتواجهه خطر رهيب ؛ بيسلبنا حق فالاستمتاع بالاكل الحلو وبالحياه الهاديه المريحه وبتخلينا نحس بالحرمان ف ابشع صوره الحرمان من لذات كتير جدا ؛  الوحش البشع دا هو سرطان المعده (stomach cancer)  ودا لانه مش بيكتفي بالمعده بس ؛لا دا بينتشر بسرعه جدا ف الاجهزه القريبه منها .⌛💀👹
سرطان المعده بيكون محترف جدا ف تدميره لان اعراضه مش بتظهر غير  ف مراحل متقدمه وبيكون نسب الشفاء ضئيله  بس موجوده واكيد مش هنفقد الامل ف انها تزيد اكتر ويعتبر من اكتر انواع الكانسر انتشارا لانه  التالت عالميا بعد الرئه والثدي.
وحتي لو ظهرت اعراض بتكون بسيطه ومشابه لاعراض امراض عاديه مصاب بيها كتير من الناس زي قرحة المعده .
هكيلك حكايته كلها بالتفصيل بس ركز معاياا..
الاول انت تعرف يعني ايه  سرطان المعده؟!  هقولك  هو نشاط غير طبيعي ف خلايا المعده وانقسامها بشكل سريع جدا وعادة ما بيكون خبيث وصعب التخلص منه.
اعراضه بقا :




سرطان المعده وكابوس الحرمان
سرطان المعده وكابوس الحرمان 



اعراضه ان وجدت ودا قليل ومش خاصه بيه لوحده زي مثلاا عسر الهضم
دم ف البراز  او دم ف القئ
الام شديد بعد الاكل مباشرة
عدم الراحه والشعور بالام ف البطن
التهابات وتقرحات بجدار المعده
فقدان الشهيه وحرقه فالمعده
نقصان فالوزن
الشعور بالانتفاخ والغازات الكثيره.
اما اسبابه بقا :
ملوش اسباب واضحه زيه زي باقي انواع السرطان بس احتمالية الاصابه بيه بتزيد مع
التدخين وشرب الكحولات
التقدم ف السن
الجنس ؛ بيصيب النساء بنسبه اكبر
الوراثه ؛ لو حد مصاب بيه من الاهل احتماليه اصابتك بيه بتزيد
تناول الوجبات السريعه والمواد الحافظه بكميات كبيره
اهمال علاج جرثومة المعده  h-pylorri
تناول مواد مسرطنه.
اما بالنسبه للعلاج :
كلما كان اكتشاف المرض اسرع كلما زادت فرصة الشفاء  والانتصار عالسرطان بالطرق دي العمليّة الجراحيّة لإزالة الورم. العلاج بالكيماوي
. العلاج بالأشعّة
 العلاجات المناعيّة الحديثة
والعلاج النفسي ؛ وانك تكون واثق ف قدرة جسمك وخلاياك عالصمود  ومحاربة العدو دا والثقه ف الانتصار عليه ان شاء الله
وف طرق كتير للوقايه منه منها:
الاكل الصحي والطازج
الاكثار من تناول الخضراوت
زياره دوريه للطبيب للاطمئنان
علاج جرثومة المعدة
التخلص من الوزن الزائد وممارسة الريااضه بشكل دوري.
محاربي الكانسر 🔥💪؛  مصدر الالهام والعزيمه والقوه. عدونا مكّار ومش سهل بس انتو قده واكتر بكتير ؛ واحنا دايما معاكوا بقلوبنا ودعواتنا وعندنا امل انكوا فالاخر هتهزموه .  رحلة العلاج طويله وقاسيه بس نجاحها ف تزايد  وقريب جدا هتنتهي الرحله دي ونعلن نهايته
انت اقوي من الكانسر 💜

                      Wish you all good health
ليست هناك تعليقات
إرسال تعليق

إرسال تعليق

الاسمبريد إلكترونيرسالة