U3F1ZWV6ZTMwNTk5NTEyMzgwX0FjdGl2YXRpb24zNDY2NTAyNTc3NzY=
recent
أخبار ساخنة

انا مريض نفسي ؛ انا مش مجنون


انا مريض نفسي ؛ انا مش مجنون:-


جربت قبل كدا تحس بوجع ملوش سبب ؟! طب جربت تبقي حاسس انك لوحدك ف الكون ومفيش مخلوق قادر يشوف الحزن اللي ف عيونك ؟ او يسمع الالم ف نبرة صوتك ؟! او يلمس بواقي رحلة العذاب اللي بتعيشها لوحدك واثرها واضح جدا ع جلدك اللي كرمش والليل اللي تحت عيونك؟!  طب عمرك فكرت انك كدا مريض نفسي!!!!
مجنون ؟!قصدك تقول اني مجنون يعني ؟؟؟!!!!!  لا طبعا مش دا قصدي ؛ انا قصدي ان المريض النفسي  دا انسان ومفروض يتعالج من شبح الموت اللي سلبه كل سبل الراحه ف حياته وبيعاني لوحده لانه اصلااا مش عاارف انه مريض!!!🌚
التعب النفسي دا اسوا حاجه ف الدنيا ممكن اي شخص يمر بيها ؛ اللي هو انت حاسس بوجع بس مش عارف فين ؛ مفيش اعراض عضويه عليك  ظاهر اوي فيتقال انك بتتدلع او بتتهرب من مسئوليه معينه؛ ولو الموضوع زاد عن حد بيبدأ المحيطين بالمريض دا يشخصوه بالجنون بدون ادني تفكير انه ممكن يكون مريض. المريض النفسي مش مجنون ؛ بالعكس ممكن يكون شاف الالم اللي غيره ميقدرش يتحمل ربعه. المريض النفسي دا شخص فقد ثقته ف كل اللي حواليه حتي فقد الثقه ف نفسه  وانعزل ف عالم خاص بيه
بيتمني حياته تنتهي فاليوم بدل المره الف مره بسبب ان محدش واقفه جمبه محدش حاسس بيه محدش بيطمنه ؛ احساسه انه مجنون او مكروه بيكون ناتج من تصرفات اللي حواليه ؛بيحس انه محدش عاوزه ف الدنياا ودا مش بالاحساس الهين عليه دا احساس بشع كفيل انه يموته بالبطئ؛ بيشوف الناس بدون اقنعة الحب والاخوه ويكتشف انه ف عالم اشبه للغابه وانه ملوش مكان فيها لان قانون الغابه البشريه البقاء للاقوي والبقاء للاقسي ؛ فهنا يقرر انه خلاص كدا اكتفي ودي بداية مرحله اسوأ للمرض.
ف كتير اسئله بتدور ف دماغ عن الامراض النفسيه  بس السؤال اللي مش لاقيه ليه اجابه اطلاقاا هو ازاي انسان يوصل انسان زيه للمرحله دي؟! ازاي قلبك يفقد كل المشاعر والاحساسيس الفطريه زي العطف والرحمه وغيره ؟!
ازاي فقدت انسانيتك انك توصل شخص انه يكره الرئه عشان هي سبب النفس اللي مخليه ع قيد الحياه  ؟!
ازاي سولت نفسك ليك انه ملوش حق يتعالج ويعيش ؟! وازاي مسألتش نفسك ايه الاسباب اللي وصلته لكدا ومين ورا الاسباب دي! ؟
لو كل واحد فينا راجع حساباته اكيد هيلاقي انه اكيد ف يوم كسر قلب حد او اهان حد  او قلل منه ودي كلها من اسباب المرض النفسي!!💔
يعني كل واحد فينا اكيد ساهم ولو بشئ بسيط ف تدمير حياة حد تاني لمجرده انه انسان مش اكتر ؛ وف اي وقت انت ممكن تبقي مريض نفسي  بدون مقدمات وساعتها هتعرف معاناة الناس اللي كنت بتقول عليهم مجانين.
الامراض النفسيه كتيره وبتختلف  ف شدتها من شخص لاخر
وهنتكلم عنها تفصيلاا ف مقالات تانيه  كتيره لانه مرض خطير لا يقل ف خطورته عند الكانسر او اي مرض قاتل
المرضي النفسيين محاربين لمرض لعين ومؤلم ؛ وبالرغم من كدا مش واخدين  الدعم النفسي  اللي يستحقوه من اللي حواليهم ف ي ريت ناخد بالنا من تصرفتنا وكلامنا معاهم ونحاول نبني سور الثقه اللي اتكسر بينا من جديد ؛ نرجعلهم احساس الامان حتي  لو ب ابتسامه بسيطه  لانها هتفرق ف حياة انسان.😇
#انا مريض نفسي ؛ انا مش مجنون
         Wish you all good health.        💜

ليست هناك تعليقات
إرسال تعليق

إرسال تعليق

الاسمبريد إلكترونيرسالة