U3F1ZWV6ZTMwNTk5NTEyMzgwX0FjdGl2YXRpb24zNDY2NTAyNTc3NzY=
recent
أخبار ساخنة

السرطان وجنون الخلاياا

السرطان وجنون الخلاياا:-



السرطان وجنون الخلاياا
السرطان وجنون الخلاياا

السرطانcancer ؛ من اصعب الكلمات ع سمع اي حد فينا ؛ بمجرد ما نسمعها بيتملكنا شعور الخوف والرعب والشفقه الانسان المصاب بيه ؛ بس انت تعرف يعني ايه سرطان؟؟
عمرك سألت نفسك ايه السرطان المخيف دا؟ وبيعمل ايه ف جسمك؟؟! طب هو نوع من انواع البكتيريا او الفيروسات اللي هما اعدائنا ومش قادرين نشوفهم؟! ولا هو دا مرض وراثي ؟! طب هو ليه انواع ؟!
كل دي اسئله يمكن كتيرر مننا مش عارف اجابتها ؛ فنحاول نناقشها بشكل بسيط كدا مع بعض عشان نفهم ان شاء الله 
بداية كدا السرطان دا مش دخيل ع جسم الانسان ولا طفيل ؛دا مرض منشأه الاساسي هو خلية جسمك ايوه خلية جسمك هي اللي بتصنع الوحش المفترس دا وحضرتك طبعا ضحيته الوحيده. 💀
خلايا جسمنا دايما بتحارب ف صراع البقاء ؛لانها مبرمجه ع التمسك بالحياه فبتنقسم وتدينا خلايا جديده جاهزه للقيام بوظائفها الحيويه ع اكمل وجه  ودا طبعا تحت اشراف عمليات معقده جدا مسئوله عن نجاح الانقسام دا؛ وبيكون مصير الخلايا الكبيره ف السن ان جهازك المناعي بيهاجهما ويتخلص منها. 💣💣
افهم من كدا ان انقسام الخلايا دا مهم ف حياتناا ؟! طبعا مهم ومهم جدا كمان لان مع الوقت الخلايا لما بتكبر مش بتقدر تقوم بدورها الاساسي وبكدا كفاءة الاعضاء هتقل جدا لحد ما يجليها وقت وتوقف تماماا وتموت للاسف. 
فالانقسام دا بيخلق عمر جديد للخلايا واللي بتكون نسخه طبق الاصل من بعض عشان تكمل دور اللي قبلها 🚶
اي بقا السرطان واي علاقته بكل دا؟!!
  السرطان اختصاراا عباره عن نشاط غير طبيعي ف الخلايا  (جنون)  ببساطه كدا الخليه بتهيبر ؛وتنقسم بدون رقابه باعداد مهوله جدا اكتر من حاجه الجسم بمراحل ؛وبتكون كُتل وتبدأ الكتل دي ف التجمع وتعمل ورم او (الورم السرطاني)وف النهاايه تكوّن السرطان.
طب ايه اسباب الخلل دا ؟! (اسباب السرطان) 
طبعا مفيش سبب محدد للكانسر؛ انما ف عوامل كتير بتزود فرصة الاصابه بيه منها: التعرض للاشعاع والمواد الكيميائيه 
التعرض لاشعة الشمس المباشره ولفترات طويله 
التدخين ؛ الخطر ع المدخن والمحيطين بيه 
الاستعداد الوراثي 
التلوث البيئي والنفايات الذريه
خلال الهرمونات والطفرات 
تناول مواد ملوثه
طب ايه الانواع دي؟
حميد ودا بيكون محاط بغشاء وسهل التخلص منه ومش مؤذي للاعضاء المحيطه بيه 
اما الخبيث بقا فدا باين من اسمه بينتشر بسرعه كدا وبيدمر الخلايا المجاوره ليه. جسمك بيكون ليه رد اكيد اكيد عالنشاط الغريب اللي بيحصله دا وبيحاول يحذرك دايما باشاراته والاحساس بعدم الراحه👈 ي انت انا مش تمام ف حاجه غلط  الحقني!!!  بس انت مش بتاخد بالك فيحاول يلفت نظرك بالاعراض بقا وي ريتك تفهم 
طب ايه بقا اعراضه؟! 
الغالبيه مش بياخد باله منها وبيفتكرها تغيرات عاديه فالجسم 
زي ظهور كتل او ورم ف مكان معين ف الجسم 
صعوبه البلع وتغير ف الصوت 
نزيف شديد بدون الم ؛ وظهور دم ف البراز 
اضرابات فالجهاز الهضمي 
اسهال وامساك باستمرار 
سعال شديد.
 نقصان شديد فالوزن غير المقصود 
طب هو السرطان دا بيظهر ف مكان معين فالجسم ؟!  لا طبعا ممكن يظهر ف اي جزء من الجسم وينتشر منه لباقي الاجزاء ومش كل السرطانات بتسبب اورام ؛ لا ف سرطانات من غير اورام زي سرطان الدم (لوكيميا)  ودا هنتكلم عنه باستفاضه ف مقال خاص بيه
وزي ما ربنا خلق الداء خلقه الدواء بتاعه 

علاجه بقا :
 العلاج الجراحي
العلاج الإشعاعي والعلاج الكيميائي
العلاج المناعي والعلاج الهرموني
العلاج الجيني 
واهم علاج ف نظري هو العلاج النفسي وتهيئة المريض لبدء الحرب بدون استسلام واللي هتكون نهايتها انتصار😌 ان شاء الله والعلاجات دي ف تطور مستمر للوصل لافضل نتائج.
وطبعا الحكم ع شخص بانه مريض كانسر مش سهل بالمره عشان كدا بيتم التشخيص عن طريق اخذ عينه من الورم وتخليها او تحاليل الدم والاشعه المقطعيه واشعة الرنين المغناطيسي.
طرق الوقايه منه:
البعد تماما عن التدخين
البعد عن اماكن التلوث الكيميائي والاشعاعي
الاكل الصحي ؛ وممارسة الرياضه
مع ملاحظه اي تغير فالجسم زيارة اقرب طبيب.
عدونا المره دي صعب بس اكيد ليه نقطة صعف ؛ ونقطة ضعفه هي قوتك انت ثقتك ف نفسك وف ربنا وحبك للحياه دي اهم حاجه عشان تفوز فالحرب الصعبه دي
انت اقوي من الكانسر 💜

          Wish you all good health
ليست هناك تعليقات
إرسال تعليق

إرسال تعليق

الاسمبريد إلكترونيرسالة